تخطَّ إلى المحتوى

مجانييعمل بدون إنترنت · بدون حساب

فلوسك كلها، 
بكل عملاتها، 
في مكان واحد 

راتبك بعملة، ومصروف أهلك بعملة ثانية، ومدخراتك ذهب، ولك عند الناس ديون؟ حلالي يجمعها كلها في صورة واحدة واضحة، وكل شي يبقى على جهازك أنت.

ابدأ الآن من المتصفحتطبيق أندرويدقريباً
  • أندرويد، والآيفون من المتصفح
  • بدون إعلانات
  • بدون ربط بنكي
9:41
الشاشة الرئيسية في تطبيق حلالي: الأرصدة بكل العملات وصافي الثروة والمواعيد القريبة

صافي الثروة

46,726ر.س

+7.4%عن الشهر الماضي

  • لك عند أحمد2,000ر.س
  • ذهب عيار 2115جرام
  • الإيجار بعد 16 يوم2,200ر.س
دفعت الإيجارتراجع

المشكلة مو إنك ما تعرف تحسب. المشكلة إن فلوسك موزعة على بنكين وصرّاف ودرج في البيت وثلاث عملات، وكل التطبيقات تفترض إن عندك حساب واحد وعملة وحدة.

يمكن مرّ عليك واحد من هذي

  • «حوّلت للأهل ألف ريال… بكم وصلت؟ وكم كان الصرف يومها؟»

    العملات
  • «سلّفت فلان وفلان، وواحد منهم رجّع جزء. كم الباقي بالضبط؟»

    الديون
  • «عندي ذهب من سنين. كم جرام؟ وكم يسوى اليوم؟»

    الذهب
  • «الإيجار والقسط والفواتير تجي ورا بعض وتفاجئني كل شهر.»

    الالتزامات
  • «قرّب موعد الزكاة وأنا أجمع أرصدتي على ورقة.»

    الزكاة
  • «كل تطبيق يبغى يربط حسابي البنكي… وبنكي أصلاً مو عندهم.»

    البنوك
  • «اتفقنا على مشروع بثلاث دفعات، والشقة بإيجار شهري… كم استلمت وكم باقي عند العميل؟»

    العقود والعمل الحر

حلالي انبنى لهذا الواقع بالضبط.

المميزات

مو بس مصاريف. كل ذمتك المالية.

ستة أشياء تسويها هنا وما تلقاها مجتمعة في تطبيق ثاني.

  1. 1العملات

    كل عملاتك جنب بعض

    ريال سعودي، يمني، دولار، وذهب بالجرام. كل رصيد بعملته، وصافي ثروتك بالعملة اللي تختارها.

    • كل حركة تحفظ سعر صرف يومها، فتقارير الشهور الماضية ما تتغير
    • البنك أو الصرّاف الواحد تحته حساب لكل عملة
    • تحويل بين عملتين مع رسومه في حركة وحدة
    9:41
    بطاقة الأرصدة: ريال سعودي ودولار وريال يمني وذهب، وصافي الثروة
  2. 2الديون

    دفتر لكل شخص

    «أعطيته» و«أخذت منه»، والرصيد بينكم بعد كل عملية. مثل دفتر الدكان، بس ما يضيع.

    • من حسابك أو للسجل فقط بدون ما يتغير رصيدك
    • قروض بأقساط، وموعد القسط الجاي يتقدم لحاله
    • شارك الكشف مع صاحبه بضغطة
    9:41
    كشف حساب شخص: لك عنده 2,000 ريال، أعطيته 3,000 وأخذت منه 1,000
  3. 3الذهب والاستثمار

    ذهبك بالجرام، وربحك الحقيقي

    اشترِ وبِع بالجرام والعيار. حدّث سعر الجرام مرة، وكل العيارات وقيمة ذهبك تتحدث معه.

    • ربحك الفعلي مقابل العائد المتوقع
    • مضاربات ومشاريع وعقار، مع نسبة حصتك من الربح
    • تختار أي استثمار يدخل في الزكاة
    9:41
    شاشة الاستثمارات والذهب: 15 جرام عيار 21 ومضاربة
  4. 4الالتزامات

    مواعيدك قدامك، ما تفاجئك

    الإيجار، الفواتير، الأقساط والرواتب في قائمة وحدة، مرتبة بالأقرب.

    • «دفعته» بضغطة وحدة، و«تراجع» لو غلطت
    • فاتورة مبلغها يتغير؟ يقدّرها من آخر ثلاث دفعات
    • تنبيه قبل الموعد بالأيام اللي تختارها
    9:41
    قائمة الالتزامات: الإنترنت، اشتراك، تأمين السيارة، الإيجار، الكهرباء
  5. 5الزكاة

    زكاتك بالحول الهجري

    حدّد يوم زكاتك مرة وحدة، وكل سنة هجرية تنسجل بأموالها ومبلغها.

    • الوعاء واضح: النقد والذهب والمستحقات ناقص الديون
    • النصاب من سعر الذهب اللي عندك
    • «دفعتها» تسجل المصروف، مع تقدير للسنة الجاية
    9:41
    شاشة الزكاة: زكاة هذه السنة وعلى وش تنحسب
  6. 6التقارير

    تعرف وين راحت

    تقرير كل شهر مقارنة باللي قبله، وميزانية لكل تصنيف تشوف كم باقي منها.

    • أكبر مصاريفك مرتبة، وكم زادت أو نقصت
    • الدخل والمصاريف آخر ستة أشهر
    • صافي ثروتك شهر بعد شهر
    9:41
    تقرير الشهر: الدخل والمصاريف ووين راحت المصاريف

والتفاصيل اللي تفرق

مصمم لواحد يستخدمه كل يوم

اخفِ المبالغ بضغطة

في المجلس أو الطابور أو لما تورّي أحد جوالك: زر العين يخفي كل الأرقام في كل الشاشات.

صافي الثروة

46,726ر.س

النقد 32,699

ديون علي 15,000

قفل بالبصمة

على الجوال بالبصمة، وعلى المتصفح برمز. وتحدد بعد كم دقيقة يقفل لحاله.

ميزانية لكل تصنيف

حط حد شهري للي تبغى تضبطه، وشوف كم باقي منه قبل ما تصرف.

  • طعام وبقالة704 / 1,800
  • مواصلات وسيارة205 / 600
  • ترفيه وسفر440 / 500
63%

أهداف ادخار

عمرة الوالدين، صندوق الطوارئ، سيارة. يحسب لك كم تحط كل شهر عشان توصل في موعدك.

فاتح وداكن

يتبع وضع جوالك، أو تثبته من الإعدادات. جرّبه:

9:41
الشاشة الرئيسية بالوضع الفاتح
الشاشة الرئيسية بالوضع الداكن

نسخة احتياطية مشفرة

ملف واحد تحفظه وين ما تبغى، بتشفير AES-256 لو حطيت له كلمة مرور.

تسوية بضغطة

نسيت تسجل كم يوم؟ اكتب رصيدك الفعلي، والتطبيق يسجل الفرق ويكمل معك.

للمستقلين

عقود شهرية ومشاريع بمراحل دفع، وكم باقي لك عند كل عميل.

بياناتك لك

صدّر كل قوائمك CSV وافتحها في Excel متى ما بغيت.

الخصوصية

فلوسك شأنك أنت.
بياناتك ما تطلع من جهازك.

  • بدون حساب

    ما نطلب إيميل ولا رقم جوال ولا اسمك الحقيقي. تفتح التطبيق وتبدأ.

  • بدون سيرفر

    ما عندنا مكان نخزن فيه بياناتك حتى لو بغينا. كل شي في قاعدة بيانات على جهازك.

  • بدون ربط بنكي

    ما نطلب كلمة سر بنكك ولا نقرأ رسائلك. أنت اللي تسجل، وأنت اللي تعرف.

ولأن بياناتك عندك أنت فقط، النسخة الاحتياطية مسؤوليتك: ملف تحفظه بنفسك وين ما تبغى، والتطبيق يذكّرك لما يطول الوقت على آخر نسخة.

كيف تبدأ

دقيقتين، وثلاث خطوات

  1. 1

    اختر عملاتك

    عملتك الأساسية، والعملات الثانية اللي تتعامل بها مع سعر اليوم. والذهب لو عندك.

  2. 2

    قل وين فلوسك الحين

    بنوك، محافظ، صرّافين، نقد بالبيت، أو أمانة عند أحد. برصيد كل عملة اليوم.

  3. 3

    سجّل أول حركة

    زر + ثم المبلغ والتصنيف، وخلاص. التطبيق يتذكر آخر حساب استخدمته ويرتب تصنيفاتك بالأكثر استخداماً، فالحركة تاخذ ثواني.

المقارنة

وين مكانه بين اللي تعرفهم

الميزةحلاليتطبيقات الربط البنكيجدول Excel
يشتغل مع أي بنك أو صرّاف أو نقدنعمبنوك محددةنعم
أكثر من عملة بسعر يوم الحركةنعملايدوي
ذهب بالجرام والعيارنعملايدوي
دفتر ديون لكل شخصنعملايدوي
زكاة بالحول الهجرينعمبعضهايدوي
مواعيد وتنبيهاتنعمنعملا
بياناتك على جهازك فقطنعملانعم
سريع على الجوالنعمنعملا
يسجّل حركاتك من البنك تلقائياًلانعملا

التسجيل هنا يدوي عن قصد: يشتغل مع كل بنك وكل عملة، وما يطلب منك أي صلاحية. والحركة تاخذ ثواني.

الأسئلة

اللي يسألونه قبل ما يبدأون

هل التطبيق مجاني؟

نعم، مجاني بالكامل الآن وبدون إعلانات. لو أضفنا مميزات مدفوعة مستقبلاً، اللي تستخدمه اليوم يبقى معك.

وين تنحفظ بياناتي؟

على جهازك فقط: قاعدة بيانات داخل التطبيق على الجوال، أو داخل المتصفح في نسخة الويب. ما في سيرفر ولا حساب، وما يوصلنا منها شي.

ولو ضاع جوالي أو غيّرته؟

تاخذ نسخة احتياطية (ملف واحد) وتحفظها وين ما تبغى: الدرايف، إيميلك، أو جهاز ثاني. وتقدر تقفلها بكلمة مرور. على الجهاز الجديد تسترجعها وترجع بياناتك كما هي. التطبيق يذكّرك لما تتأخر عن النسخ.

هل يرتبط بحسابي البنكي؟

لا، وهذا مقصود. الربط البنكي يشتغل مع بنوك قليلة في دول قليلة، ويحتاج صلاحيات على حسابك. هنا تسجل حركتك في ثواني، مع أي بنك أو صرّاف أو نقد.

هل يشتغل على الآيفون؟

نعم، من نسخة الويب: تفتحها في سفاري وتختار «إضافة إلى الشاشة الرئيسية»، وتشتغل مثل التطبيق وبدون إنترنت. على الأندرويد فيه تطبيق كامل مع تنبيهات وقفل بالبصمة.

أي عملات يدعم؟ وأسعار الصرف من وين؟

الريال السعودي واليمني (عدن وصنعاء) والدولار والدرهم والدينار والجنيه واليورو وغيرها، والذهب بعياراته، وتقدر تضيف عملتك. السعر تكتبه أنت: السعر اللي صرفت به فعلاً هو الصح، مو سعر الشاشة. وكل حركة تحفظ سعر يومها.

أنا مو محاسب. هل هو معقد؟

لا. تبدأ بمصروف ودخل وتحويل، والباقي (ذهب، ديون، التزامات، زكاة) تفتحه لما تحتاجه. وتقدر تخفي من الرئيسية أي قسم ما يهمك.